Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň Arkadag şäherinde ýerleşýän ştab-kwartirasynda Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow we Arkadag şäheriniň häkimi Durdylyýew bilen duşuşyk geçirdi.
Duşuşykda Arkadag şäheriniň ikinji tapgyrynyň gurluşygy boýunça tamamlanyp barýan ýylda ýerine ýetirilen işler we öňde duran wezipeler bilen baglanyşykly meseleler ara alnyp maslahatlaşyldy diýip, Halkara maglumat merkezi habar berdi.
D.Orazow we Ş.Durdylyýew Täze ýyl baýramçylygynyň öňüsyrasynda döwlet ähmiýetli şäherde geçirilmegi meýilleşdirilýän medeni-köpçülik çäreleriniň giň gerimi barada hasabat berdiler.
Halk Maslahatynyň Başlygy Gurbanguly Berdimuhamedow Täze — 2024-nji ýyl mynasybetli dabaralaryň ýokary derejede guralmagyny üpjün etmegiň möhümdigini nygtady.
