Türkiýäniň Prezidenti Rejep Taýyp Ärdogan öňdäki 2024-nji ýylda dünýäde adalatyň höküm sürjekdigine umyt bildirdi. «Report» neşiriniň habaryna görä, Türkiýäniň döwlet Baştutany bu barada Ankarada medeniýet we sungat ulgamynda baýraklary gowşuryş dabarasyndaky çykyşynda nygtady.
«2024-nji ýylda ezijileriň temmisini aljakdygyna, kemsidilenleriň ýaralarynyň bitjekdigine umyt edýärin» diýip, Ärdogan aýtdy.
