«Türkmenistan» awiakompaniýasy resmi web sahypasynda 2024-nji ýyl üçin Aşgabat — Moskwa — Aşgabat ýolagçy gatnawlary boýunça onlaýn petek satuwyna başlady.
Aşgabatdan Moskwa uçuş üçin petegiň bahasy häzirki wagtda 3 778,3 TMT, Moskwadan Aşgabada bolsa 3 529 TMT.
2024-nji ýylyň ýanwaryndan başlap, uçuşlar yzygiderli amala aşyrylar — her ugurda hepdede 4 gezek. Uçarlar Aşgabatdan sişenbe, çarşenbe, anna we ýekşenbe günleri we Moskwadan bolsa duşenbe, sişenbe, çarşenbe we anna günleri göge galarlar.
Türkmenistanyň milli howa gatnawynyň 15-nji dekabrdan Moskwa gatnawlaryny täzeden başlajakdygyny ýatladýarys. Bu ugurda uçuşlar ozal 2023-nji ýylyň 1-nji awgustyndan togtadyldy.
