Gonkongyň «Kitçi» futbol kluby 2023 — 2024-nji ýyllaryň möwsümi üçin toparlaýyn surata düşülişigi gurnady. Surata toparyň futbolçylary, tälimçiler düzümi we iş dolandyryjylary gatnaşdy.
Olaryň arasynda Gonkongyň çempionatynyň geçen möwsüminiň iň gowy futbolçysy, türkmenistanly ýarym goragçy Ruslan Mingazow hem bar.
«Kitçiniň» şu günler Aziýanyň birinji derejeli klublaýyn ýaryşyna — AFK-nyň kubogyna taýýarlyk görýändigini ýatladýarys. Ýurduň häzirki çempiony ýaryşyň Gündogar sebitinde «F» toparçada ýaryşar. «Kitçiniň» garşydaşlary Koreýa Respublikasynyň «Çonbuk Hýonde Motors», Tailandyň «Bangkok Ýunaýted» we Singapuryň «Laýon Siti Seýlors» toparlary bilen garşydaş boldy.
AFK-nyň Çempionlar ligasynyň toparçalaýyn duşuşyklary 18-nji sentýabrdan 13-nji dekabra çenli geçiriler.
