15 — 21-nji awgust aralygynda Türkmenistanyň Suratkeşler birleşiginiň Lebap welaýat şahamçasynyň Sergiler zalynda suratkeşleriň döredijilik duşuşygy geçirildi.
Türkmenabat şäherinde ikinji gezek geçirilen suratkeşleriň döredijilik maslahatyna ýurduň Aşgabat şäherinden, Ahal, Lebap, Mary welaýatlaryndan nakgaşçy we grafika suratkeşleriň 15-e golaýy gatnaşdy diýlip, Jeyhun.news tarapyndan habar berildi.
Bir hepde dowam eden döredijilik duşuşygynyň dowamynda suratkeşler portret we natýurmort žanrlarynda ýerine ýetirilen dört sany nakgaş eserlerini çekdiler.
Suratkeşleriň döreden eserleri duşuşygyň soňky güni sergilendi.
