AFK-nyň kubogynyň saýlama tapgyryndaky «Hujand» ― «Merw» duşuşygynda BAE-li Ýahýa Mohammad Hassan Al-Mullanyň ýolbaşçylygyndaky eminler topary işlär. Bu barada Täjigistanyň Futbol federasiýasynyň resmi saýty habar berýär.
Emine onuň watandaşlary Ahmed Said Ahmed Al-Asal Al-Raşdi we Ali Raşid Mohammed Al-Jorn Al-Nuaými ýardam berer. Duşuşygyň ätiýaçdaky emini hem BAE-li Sultan Mohammed Saleh Ýusif Al-Hammadi bolar.
«Hujand» ― «Merw» duşuşygynyň 22-nji awgustda Täjigistanyň Hujand şäherindäki «Täjigistanyň Garaşsyzlygynyň 20 ýyllygy» stadionynda geçiriljekdigini ýatladýarys. Duşuşyk Aşgabat wagty bilen sagat 16:30-da başlanar.
«Merw» «Hujandy» ýeňip bilse, ýaryşyň Merkezi sebitinde Täjigistanyň «Rawşany», Türkmenistanyň «Altyn asyry» we Gyrgyzystanyň «Abdyş-Atasy» bilen bir toparçada ýaryşar.
AFK-nyň kubogynyň Merkezi sebitiniň toparçalaýyn duşuşyklaryna 20-nji sentýabrda badalga berler we bu duşuşyklar 14-nji dekabrda tamamlanar.
