Türkmenistanly türgen Gaýgysyz Töräýew Gawanada geçirilýän, Olimpiýa oýunlarynyň saýlama tapgyryna girýän halkara ýaryşda kümüş medala mynasyp boldy.
19 ýaşly türgen bu üstünligi 81 kilograma çenli agram derejesindäki bäsdeşleriniň arasynda gazandy. Ol ştangany galdyrmagyň iki görnüşiniň jemi boýunça 319 kilogram agyrlygy eýgerdi (144+175 kg.).
Bu agram derejesinde indoneziýaly Abdulla Erwin 358 kilogramlyk netije bilen altyn medalyň eýesi boldy. Bürünç medala bolsa Samuel Guertin mynasyp boldy. Ol 313 kilogramlyk agramy eýgerdi.
Bu ýaryşa Türkmenistandan üç türgen gatnaşýar. Şol sanda, olaryň biri Olimpiýa oýunlary ― 2020-niň kümüş medalynyň eýesi Polina Gurýewadyr.
Halkara agyr atletika federasiýasynyň Gawana şäherindäki Gran-pri ýaryşy 18-nji iýunda tamamlanar.
