Türkmenistanyň futbol boýunça milli ýygyndysy CAFA Nations Cup-2023-däki ilkinji duşuşygynda ýaşyl köýnekçede çykyş eder. Bu duşuşykdan bir gün öňde geçirilen guramaçylyk maslahatynda mälim edildi.
Ýaryşyň çäginde ilkinji duşuşygyny Täjigistanyň ýygyndysy bilen geçirjek türkmen futbolçylarynyň bu oýny baş tälimçi Mergen Orazowyň hem ilkinji resmi synagy bolar.
Duşuşyk 11-nji iýun güni Daşkent şäherindäki «Pahtakor» stadionynda geçiriler. Agşam sagat 18:30-dabaşlanjak duşuşygyň Täjigistanyň «Futbol», Özbegistanyň «Sport» teleýaýlymlary tarapyndan göni ýaýlymda alnyp görkeziljekdigini ýatladýarys.
