Türkmenistanyň paýtagtynda tennis sporty boýunça ýurt derejesinde geçirilen açyk çempionatyň jemleri jemlendi. Ýaryşlar 8 — 11-nji iýun aralygynda Türkmenistanyň Sport we ýaşlar syýasaty ministrliginiň hem-de Türkmenistanyň tennis federasiýasynyň guramagynda Aşgabat köpugurly stadionynda geçirildi.
Ýaryşlara 25-den gowrak ýaş türgen gatnaşdy. Netijede oglanlaryň arasynda geçen ýaryşda birinji baýrakly orny Alireza Myradow, gyzlaryň arasynda bolsa Sähra Garahanowa eýeledi.
