Andreý Karpowiç Gazagystanyň futbol boýunça milli ýygyndysynyň baş tälimçisi wezipesini wagtlaýyn ýerine ýetirmäge girişdi.
Gazagystanyň Futbol federasiýasynyň metbugat gullugy milli ýygyndyny UEFA-nyň Milletler ligasyna taýýarlamagy 41 ýaşly hünärmene ynandy. Gazak ýygyndysynyň ozalky baş tälimçisi Talgat Baýsufinow 2020-nji ýylda işden boşadylypdy.
Gazagystanyň ýygyndysy mart aýynda UEFA-nyň Milletler ligasynda iki duşuşyk geçirer. Olaryň ikisi hem Moldowanyň ýygyndysy bilen bolar. Bu duşuşyklar 25-nji we 28-nji martda oýnalar.
Andreý Karpowiçiň özi hem gazak ýygyndysynda iň kän duşuşyk geçiren futbolçylaryň ilkinji bäşligine girýär. Ol goňşy ýurduň ýygyndysynyň köýnekçesini 55 duşuşykda geýdi.
