«TikTok» platformasy ilkibaşda gysga göwrümli wideorolikler üçin niýetlenen hem bolsa, soňra ol kem-kemden ýerine ýetirýän işini özgertdi. Muňa mysal edip geçen ýyl platformada ýüklenilýän wideolaryň dowamlylyk mümkinçiligi 3 minuda ýetirilen bolsa, indi onda goýulýan kontentleriň dowamlylygynyň 10 minuda ýetýändigini görkezmek bolar. Köp sanly ulanyjylar eýýäm bu täzelikden habardar boldular.
Işläp taýýarlaýjylaryň belleýşi ýaly, «TikTok-da» wideorolikleriň dowamlylygynyň uzaldylmagy Ýer ýüzi boýunça ondan peýdalanýanlaryň döredijilik mümkinçiliklerini has-da baýlaşdyrar diýip, ferra.ru saýty habar berýär.
