Halkara Olimpiýa komitetiniň prezidenti Tomas Bah XXIV gyşky Olimpiýa oýunlarynyň resmi taýdan ýapylandygyny yglan etdi. Şu gün munuň bilen baglylykda, Hytaýyň milli stadionynda oýunlaryň ýapylyş dabarasy geçirildi. Bu barada lenta.ru saýty sahypalarynda beýan edýär.
Hytaýyň milli stadionynda müňlerçe tomaşaçynyň ýygnanmagynda geçen oýunlaryň ýapylyş dabarasynda Olimpiadanyň alawy söndürildi. Alaw her gyralarynda ýaryşa gatnaşyjy ýurtlar görkezilen garjagazyň ägirt şekiline berkidildi.
Dabaranyň dowamynda ýerli guramaçylaryň taýýarlan dürli çykyşlary, şol sanda hytaý medeniýetini, milliligini hem-de halklaryň ysnyşykly dostlugyny alamatlandyrýan tanslar, hereketler ýerine ýetirildi. Ýaryşa gatnaşan türgenler hem döwlet baýdaklaryny göterip meýdançadan geçdiler.
Hytaýda geçen Olimpiýa oýunlarynda Norwegiýanyň milli ýygyndy toparynyň medal sanawynda öňdäki orny eýeländigini bellemeli. Bu sanawda ikinji orunda Germaniýa, üçünji orunda bolsa ýer eýeleri Hytaýyň milli ýygyndysy durýar. Umuman, oýunlara gatnaşan 91 ýurduň 29-syndan wekiller medal gazandylar.
