Futbol boýunça Ýewropanyň ägirt toparlarynyň arasynda dowam edýän Çempionlar ligasynyň 1/8 final duşuşyklary bu gün janköýerleriň nazaryny nobatdaky iki taryhy duşuşykda eglär. Aýratyn-da, Milan şäheriniň «San-Siro» stadionynda italýanlaryň «Inter» topary bilen iňlis topary «Liwerpulyň» arasyndaky boljak duşuşyk tomaşaçylara ýatdan çykmajak ýatlamalary bagyş eder.
Aşgabat wagty bilen gije sagat 01:00-da başlanjak duşuşyklaryň ikinjisinde hem bu ýaryşyň birnäçe gezek ýeňijisi bolan «Bawariýa» topary myhmançylykda «Red Bull Zalzburg» bilen duşuşyk geçirer. Bu duşuşyk Awstriýanyň «Red Bull Arena» stadionynda bolar.
Çempionlar ligasynyň 1/8 final tapgyrynyň nobatdaky «Inter» (Italiýa) bilen «Liwerpulyň» (Angliýa) arasyndaky duşuşyk Aşgabat wagty bilen sagat 01:00-da «Матч» teleýaýlymynda,
«Red Bull Zalzburg» (Awstriýa) bilen «Bawariýanyň» (Germaniýa) arasyndaky duşuşyk bolsa, sagat 01:00-da «Матч! Футбол 1» teleýaýlymynda göni ýaýlymda görkeziler.
Çempionlar ligasynyň 1/8 final tapgyrynyň indiki duşuşyklarynyň 23-24-nji fewralda geçiriljekdigini ýatladýarys.
