Almatynyň türkmenistanly hünärmen Gurban Berdiýew tarapyndan tälim berilýän «Kaýrat» futbol topary Gazagystanyň kubogy ugrundaky ýaryşyň ýarym finalynda ýeňiji bolup, ýaryşyň finalyna çykdy. «Kaýrat» ýarym finalda «Astanadan» üstün çykdy.
Öýde-myhmançylykda görnüşinde geçirilen duşuşyklaryň ikisi hem «Kaýratyň» 3:0 hasabyndaky ýeňşi bilen tamamlandy. Umumy hasapda 6:0-luk ýeňiş gazanan «Kaýrat» finalda «Tobol» ― «Şahtýor» jübütiniň ýeňijisi bilen duşuşar. Bu toparlaryň arasyndaky ilkinji duşuşyk «Şahtýoryň» 5:2 hasabyndaky ýeňşi bilen tamamlandy.
Gurban Berdiýewiň şu ýylyň awgust aýyndan bäri «Kaýratyň» baş tälimçisi bolup işleýändigini ýatladýarys.
