Türkmenistanyň futbol çempionatynyň 6-njy tapgyrynda öz meýdanynda «Nebitçini» 2:0 hasabynda ýeňen «Energetik» şu möwsümdäki ilkinji ýeňşini gazandy.
Mundan ozalky bäş duşuşygynyň dördüsinde garşydaşlaryndan asgyn gelip, birinde deňme-deň oýnan topar ahyry ýeňiş bilen hem didarlaşdy. Tapgyrda «Köpetdagyň» hem «Şagadamdan» utulmagy bilen «Energetik» utugyny «Köpetdag» bilen deňledi, Häzir 8-nji we 9-njy orunlary paýlaşýan toparlaryň ikisinde-de 4 utuk bar.
