Türkmenistanyň futbol boýunça Olimpiýa ýygyndysy 2022-nji ýylda geçiriljek Aziýa kubogynyň saýlama tapgyryndaky ilkinji duşuşygynda Iordaniýanyň ýygyndysyndan asgyn geldi.
Duşuşyk 0:1 hasabynda garşydaş tarapyň üstünligi bilen tamamlandy. Oýundaky ýeke-täk pökgini 67-nji minutda hüjümçi Ali Olwan geçirdi.
Şeýlelikde, Iordaniýanyň ýygyndysy 3 utuk bilen «F» toparçanyň başyny çekýär.
Ýaşlar ýygyndymyz saýlama tapgyrdaky indiki duşuşygyny 28-nji oktýabrda Palestinanyň ýygyndysy bilen geçirer. Bu duşuşygyň Aşgabat wagty bilen agşam sagat 21-de başlanmagyna garaşylýar.
