Türkmenistanyň futbol federasiýasy 29-njy milli futbol çempionatymyzyň duşuşyklarynyň 20-nji oktýabrda başlanjakdygyny habar berdi.
Şol gün 5-nji tapgyryň wagyndan ozal geçiriljek «Aşgabat» ― «Altyn asyr» we «Köpetdag» ― «Ahal» duşuşyklary bilen täze möwsümiň perdesi açylar.
Eýýäm soňky birnäçe möwsümde bolşy ýaly, Ýokary liganyň täze möwsüminde hem sekiz topar çempionlyk üçin bäsleşer. Ine, olar:
1. «Altyn asyr» ― Aşgabat şäheri;
2. «Ahal» ― Änew şäheri;
3. «Aşgabat» ― Aşgabat şäheri;
4. «Köpetdag» ― Aşgabat şäheri;
5. «Şagadam» ― Türkmenbaşy şäheri;
6. «Nebitçi» ― Balkanabat şäheri;
7. «Energetik» ― Mary welaýatynyň Türkmenbaşy şäherçesi;
8. «Merw» ― Mary şäheri.
Türkmenistanyň çempionyna 2022-njii ýylda halkara ýaryşlarda ýurdumyza wekilçilik etmäge hukuk berler. Geçen möwsümlerden tapawutlylykda täze möwsüm iki aýlawdan ybarat bolar. Ol 19-njy dekabrda geçiriljek 14-nji tapgyryň duşuşyklary bilen tamamlanar.
