Madridyň "Real" topary Ispaniýanyň futbol çempionatynyň 12-nji tapgyrynyň geçirilen oýnunda "Walensiýany" 2:1 hasaby bilen ýeňdi. Duşuşyk "Mestalýa" stadionynda geçdi.
27-nji minutda "Walensiýa" Ugo Duronyň goly bilen öňe çykdy. Emma "Real" oýnuň barşyny üýtgedip bildi, 85-nji minutda Luka Modriç we 90+6-njy minutda Jud Bellingem tapawutlandylar.
55-nji minutda Bellingem penaltini geçirip bilmedi, 60-njy minutda Kilian Mbappeniň goly ofsaýd sebäpli ýatyryldy, 77-nji minutda bolsa Winisius "Walensiýanyň" derwezeçisini itendigi üçin gyzyl kart aldy.
Bu ýeňiş "Reala" 43 utuk ýygnamaga we Primeranyň tablisasynda birinji oruna çykmaga mümkinçilik berdi. "Atletiko" bir oyun ätiýaç 41 utuk bilen ikinji orunda. "Walensiýa" 12 utuk bilen 19-njy orunda bolup, ýeňişsiz seriýasyny alty oýna çenli uzaltdy.
