Gazagystanyň «Kaýrat» futbol topary Ýewropanyň Konferensiýa ligasynyň toparçalaýyn tapgyryndaky ilkinji duşuşygyny Kipriň «Omoniýasy» bilen geçirer.
Duşuşyk 16-njy sentýabrda toparyň Almaty şäherindäki stadionynda bolar. Onuň Aşgabat wagty bilen 19:30-da başlanmagyna garaşylýar.
«Kaýrat» «Omoniýa» bilen taryhynda ilkinji gezek duşuşar. Gazak toparyna ildeşimiz Gurban Berdiýewiň tälim berýändigini ýatladýarys.
