Şu gün Tokio şäherinde XXXII Tomusky Olimpiýa oýunlarynyň açylyş dabarasy bolar. Dabara Tokionyň Milli olimpiýa stadionynda geçiriler. Oňa tomaşaçylar kabul edilmez.
Açylyş dabarasy Aşgabat wagty bilen öýlän sagat 16-da başlanar. Türkmenistanlylar bu dabara Russiýanyň «Первый канал» teleýaýlymy arkaly göni ýaýlymda tomaşa edip biler. Ýaýlym Türkmenistanyň çägindäki IPTV ulgamynda elýeterlidir.
Ýeri gelende aýtsak, Olimpiýa oýunlaryna Türkmenistandan 9 türgen gatnaşýar. Açylyş dabarasynda her bir döwletiň baýdagyny bir zenan we bir erkek türgen bilelikde göterer.
Şeýle hem Tokio ― 2020 Olimpiýa oýunlarynyň açylyş dabarasyna Türkmenistanyň Ministrler Kabinetiniň Başlygynyň orunbasary Serdar Berdimuhamedowyň ýolbaşçylygyndaky wekiliýetiň gatnaşýandygyny ýatladýarys.
Tomusky Olimpiýa oýunlary şu gün başlanyp, 8-nji awgusta çenli dowam eder.
