«Miweli ülke» hususy kärhanasy Türkmenistanyň paýtagtynda 17 – 23-nji mart aralygynda ýurdumyzyň ösüşlerine bagyşlanyp guralan sergä gatnaşdy. Bu serginiň çäklerinde 13 ugry öz içine alan «Ýylyň öňdebaryjy işewüri» atly bäsleşigiň ýeňijileri yglan edildi.
«Miweli ülke» hususy kärhanasy bäsleşigiň «Ýylyň işewür eksportçysy» diýen ugry boýunça 2-nji orny eýeledi. Bu daşary bazarda türkmen harytlarynyň bäsdeşlige ukyplylygyny artdyrmakda öňde goýlan maksatlaryň durmuşa geçirilmeginde möhüm ähmiýetli boldy.
«Miweli ülke» hususy kärhanasy ýurdumyzyň ähli ýerlerini miwe we bakja önümleri bilen üpjün etmek we «Hoşwagt» ady bilen kofe, patrak, çipsileri öndürmek boýunça işleri alyp barýar.
Kärhananyň ýolbaşçylarynyň pikirine görä, ýakynda ýurdumyzda guralan sergä gatnaşmak kärhanada öňden öndürilýän önümler we täze harytlar, şeýle hem gazanylan üstünlikler bilen ilatymyzy tanyşdyrmak, eksport mümkinçiliklerini giňeltmek üçin oňyn şertleri döretdi.
Şeýle-de okaň:
- «Miweli ülke» Halkara onlaýn sergisine gatnaşmaga taýýarlanýar
- «Miweli ülke» hususy kärhanasy kofe önümleriniň görnüşini giňeldýär
