Türkmenistanyň Futbol federasiýasy ýurdumyzyň Ýokary ligasynyň klublarynyň gatnaşmagynda geçirilýän ýurdumyzyň çempionatynyň toparlary üçin gyşky transfer möwsüminiň 25-nji marta çenli uzaldandygyny habar berýär.
Onuň dowamynda futbol çempionatymyza gatnaşýan ýurdumyzyň toparlary düzümlerine oýunçylary geçirmäge mümkinçilik alýarlar.
Gyşky oýunçy alyş-çalyş möwsüminiň 2021-nji ýylyň 1-nji fewralynda açylandygyny ýatladýarys.
Ýeri gelende bellesek, 29-njy gezek geçiriljek futbol çempionatymyz toparlaryň 8-siniň (“Altyn Asyr”, “Ahal”, “Şagadam”, “Köpetdag”, “Aşgabat”, “Merw”, “Nebitçi”, “Energetik”) gatnaşmagynda geçiriler.
