«Türkmenistanyň çäginde köpçülikleýin suwa düşmeklik üçin niýetlenen ýerlerde jemgyýetçilik tertip-düzgünini, dynç alýan adamlaryň janyny we saglygyny goramaklygyň Düzgünlerini tassyklamak hakynda» Türkmenistanyň içeri işler minsitriniň buýrugy çykaryldy.
Şu ýylyň 16-njy sentýabrynda çykarylan 183 belgili buýrukda «Türkmenistanyň içeri işler edaralary hakynda» Türkmenistanyň Kanunyna laýyklykda, Türkmenistanyň çäginde köpçülikleýin suwa düşmeklik üçin niýetlenen ýerlerde jemgyýetçilik tertibini we dynç alýan adamlaryň howpsuzlygyny ýokary derejede üpjün etmek maksat edinilýär.
Bu buýruk bilen Türkmenistanyň çäginde köpçülikleýin suwa düşmeklik üçin niýetlenen ýerlerde jemgyýetçilik tertip-düzgünini, dynç alýan adamlaryň janyny we saglygyny goramaklygyň Düzgünleri tassyklanyldy. Türkmenistanyň Içeri işler ministrliginiň ýanyndaky Ulaglardaky Polisiýa müdirliginiň, welaýatlaryň we Aşgabat şäheriniň Polisiýa müdirlikleriniň müdirlerine:
1) Türkmenistanyň çäginde köpçülikleýin suwa düşmeklik üçin niýetlenen ýerlerde jemgyýetçilik howpsuzlygyny, ol ýerde dynç alýan raýatlaryň janyny we saglygyny goramakda degişli işleri şu buýrugyň birinji böleginde görkezilen Düzgünlere laýyklykda geçirmek;
2) tabynlykdaky şahsy düzümiň şu buýrugyň birinji bölegi bilen tassyklanan Düzgünleriň öwrenmegini we onuň talaplarynyň gyşarnyksyz ýerine ýetirilmegini üpjün etmek tabşyryldy.
Düzgünnamany şu salgydan doly okap bilersiňiz.
