Türkmen mobil programmalaryny dörediji “JAN Tehnologiýa”, “YouTube” meňzeş “Belet video” programmasyny çykardy.
Programmanyň aýdaky tölegi 10 manat bolup, synag üçin 7 gün mugt ulanmaga mümkiçlik döredilýär.
Ulanyjylara tomaşa etmek we goşulmak üçin birnäçe kanallaryň sanawy hödürlenýär. Bular dünýä belli habarlar bolan - Al Jazeera, BBC, CNN, Euronews we käbir rus tele we radio ýaýlymlary ТНТ, СТС, Европа Плюс, Авторадио, Comedy Club gülki gepleşigi, Орел и Решка, Вечерний Ургант, Что было дальше, КВН we ş.m. Şeýle hem çagalaryň filmlere we multfilmlere tomaşa etmegi üçin kanallar, haýwanlar hakda wideolar, dürli güýmenjeler barada kanallar, degişme, sport, bilim öwrediji kanallar we başgalar bar.
Programmanyň interfeýsi düşnükli we göz aýlamak aňsat.
Programma häzirki wagtda beta görnüşinde, ýagny ulanyjylar tarapyndan işjeň synagdan geçirilýär. Programmada “YouTube”-den belli bir mazmun ýygyndysy ýerleşýär. Programmany “Play Market”-den göçürip alyp bilersiňiz.
