Şu gün ir säher bilen Türkmenistanyň Prezidenti Gurbanguly Berdimuhamedow sportuň ekologiýa taýdan arassa görnüşleriniň biri hasaplanýan welosipedli gezelenji amala aşyrdy. Ýolugra döwlet Baştutany paýtagtyň günorta künjeginde alnyp barylýan gurluşyk işlerini synlady.
Sagdyn durmuş ýörelgelerine ygrarly we halkyň saglygyny ähli zatdan belent tutýan Türkmenistanyň Prezidenti 20 kilometrlik welosipedli ýörişini Ýanardag binasyndan başlap, Bitaraplyk binasynyň ýanynda tamamlady.
Bu barada “Watan” habarlar gepleşiginde (19.04.2020) habar berildi.
