Türkmenistanyň Goranmak ministrliginiň «Milli goşun» žurnaly Magtymguly adyndaky Ýaşlar guramasy bilen bilelikde döredijilik bäsleşigini yglan etdi. Watan goragçylarynyň güni mynasybetli geçirilýän bäsleşik «Gaýratyňyz egsilmesin, mertebäňiz beýgelsin!» diýlip atlandyrylýar. Bäsleşige eser hödürlemek üçin 7 ― 23-nji ýanwar aralygyndaky wagt berildi. Oňa çeper döredijilik bilen meşgullanýan her kim gatnaşyp bilýär.
Bäsleşigiň şertine görä, oňa Watançylyk temasyndan bir goşgy ýa-da uly bolmadyk kyssa eserini hödürlemelei.
Ýörite bellenen eminler bäsleşigiň jemini jemläp, ýeňijileri yglan edýärler. Bäsleşigiň doly düzgünnamasy bilen «Milli goşun» žurnalynyň resmi saýtynda tanşyp bolýar.
