Aşgabatda geçirilen üç tapgyryň duşuşygyndan soňra, Türkmenistanyň futzal boýunça çempionaty dördünji tapgyryň duşuşyklary bilen Türkmenbaşy şäherinde dowam etdi.
Tapgyr Aşgabadyň "Milli goşun" we "Nesil" toparlarynyň arasyndaky duşuşyk bilen açyldy. Duşuşyk "Nesiliň" futzalçylarynyň 7:2 hasabyndaky ýeňşi bilen tamamlandy. Ikinji duşuşykda "Köpetdag" "Serhetçini" 13:1 hasabynda ýeňdi. "Senagatbank" bilen "Ahalyň" arasyndaky duşuşyk bolsa bu toparlaryň birinjisiniň 4:3 hasabyndaky ýeňşi bilen tamamlandy. Ýaryş tertibiniň orta gürpünde barýan "Daýhanbank" henize çenli utuk ýitirmedik "Migrasiýany" 1:0 hasabynda ýeňdi. "Kenarýaka derbisinde" bolsa "Deňizçi" TNGIZT-den 4:3 hasabynda üstün çykdy. Tapgyryň ahyrky duşuşygynda "Talyp sporty" "Gümrükçiniň" derwezesinden jogapsyz 10 pökgi geçirdi.
Dört duşuşykdan 9 utuk toplan "Migrasiýa", "Deňizçi" we "Senagatbank" ýaryşyň başyny çekýär.
Dördünji tapgyryň netijeleri:
"Milli goşun" - "Nesil" - 2:7
"Köpetdag" - "Serhetçi" - 13:1
"Ahal" - "Senagatbank" - 3:4
"Migrasiýa" - "Daýhanbank" - 0:1
"Deňizçi" - TNGIZT -4:3
"Gümrükçi" - "Talyp sporty" - 10:0
