Häzir dünýäde her altynjy ýa-da jemi 473 million çaga uruş hereketleriniň dowam edýän zolagynda ýaşaýar, bu bolsa 2024-nji ýyly bu görkeziji babatda iň ýaramaz ýyllaryň birine öwürýär. Bu barada BMG-niň ÝUNISEF çagalar gaznasynyň saýtynda ýerleşdirilen habarda aýdylýar diýip, «caliber.az» ýazýar.
Gurama bu ýylda çagalaryň uruşlardan we beýleki howply gapma-garşylyklardan has köp ejir çekendiklerini nygtaýar.
Maglumatda 1990-njy ýyllardaky ýagdaý bilen deňeşdirilende, görkezijiniň iki esse artandygy bellenýär. Eger 30 ýyl mundan öň çagalaryň 10 göterimi gapma-garşylyklar zolagynda ýaşan bolsalar, häzir bu görkeziji 19 göterime deňdir.
