Türkmenistanyň Gyrgyzystan Respublikasyndaky Adatdan daşary we Doly ygtyýarly ilçisi Nury Gölliýew ýurduň döwlet gümrük gullugynyň başlygynyň birinji orunbasary Ulan Kimsanow bilen duşuşdy. Duşuşykda Türkmenistan bilen Gyrgyzystanyň arasynda gümrük amallaryny ýönekeýleşdirmek meseleleri ara alnyp maslahatlaşyldy. Bu barada Gyrgyzystanyň Döwlet gümrük gullugynyň metbugat gullugy habar berdi.
Habarda bellenilişi ýaly, taraplar gümrük amallaryny ýönekeýleşdirmek we iki ýurduň degişli gulluklarynyň arasyndaky täsiriň netijeliligini ýokarlandyrmak bilen gümrük pudagynda ikitaraplaýyn hyzmatdaşlygyň meselelerini ara alyp maslahatlaşdylar.
Duşuşykda maglumat alyşmak, harytlaryň we ulaglaryň hereketine gözegçiligi gowulandyrmak, şeýle hem iki ýurduň arasyndaky söwda we ykdysady gatnaşyklary has-da pugtalandyrmak mümkinçiligine üns çekildi.
Taraplar tejribe we maglumat alyşmagyň möhümdigini aýdyp, işjeň gepleşikleri dowam etdirmäge we hyzmatdaşlygy berkitmäge taýýardyklaryny mälim etdiler diýlip, habarda bellenilýär.
