ABŞ-nyň öňki Prezidenti we Respublikaçylar partiýasyndan dalaşgär Donald Tramp beýleki ýurtlar noýabrda geçjek saýlawlarda özüniň ýeňiş gazanmagyna garaşýarlar diýip hasaplaýar. Ol şunda Demokratik partiýadan dalaşgär Kamala Harrisiň ýeňiş gazanyp bilmejekdigine ynanýar diýip, TASS ýazýar.
«Noýabrdaky saýlawlardaky ýeňşim dünýäni aňk eder diýip, hasaplamaýaryn. Meniň pikirimçe, dünýä, Ýewropa muňa eýýäm taýýar. Olar meniň bilen ykdysady meseleler babatda ylalaşmasalar hem muny isleýärler» diýip, Tramp Miçigan ştatynyň Flint şäherinde saýlawçylar bilen duşuşygyndaky çykyşynda nygtady.
