Girmek
Hytaýyň demirgazyk-günbataryndaky Sinzýan awtonom etrabynda dünýäde iň ýokary tizlikli «Týanşan Şenli» awtoulag ýol ötüginiň gurluşygy tamamlandy. Bu barada «Sinhua» habarlar gullugyna salgylanýan «Gazeta.ru» habar berýär.
Uzynlygy 22,13 kilometr bolan ýerasty ötük garly daglaryň içinden geçip, Sinzýan-Uýgur awtonom etrabynyň günorta we demirgazyk böleklerini birleşdirýär.
Ötük işe girizilenden soňra ol Týanşan dagynyň orta bölegini geçmek üçin wagty birnäçe sagatdan takmynan 20 minuda çenli gysgaldar.
Täze desga Urumçi-Ýuýli ýokary tizlikli awtoulag ýolunyň möhüm bölegidir, bu ýol Urumçiden sebitiň günortasyndaky Ýuýli uýezdine çenli uzaýar. Taslamany 2025-nji ýylda doly tamamlap, ulanyşa bermek maksat edinilýär.