Pariž şäherinde badalga berlen XVII Tomusky Paralimpiýa oýunlaryna Türkmenstandan Maýagözel Ekäýewa gatnaşar. 38 ýaşly parapowerliftingçi Olimpiýa synagyna 8-nji sentýabr güni 86 kilograma çenli agram derejesinde çykar.
Ekäýewa Paralimpiýa tejribeli bolan türgendir. Ol 2016-njy ýylda geçirilen Rio Olimpiadasynda hem 73 kilograma çenli agram derejesinde 105 kilogram agyrlygy eýgerip, ilkinji bäşlige girdi. Bu gezek ol agyr agram derejesine geçdi. Bu derejede Ekäýewanyň henize çenli iň gowy netijesi 115 kilogramdyr.
Türkmen wekiliýetinde türgene tälimçi Tahyr Şorahanow hem wekilçilik edýär. Ekäýewiň maksady ýen-de ilkinji bäşlige girmek, aňrybaş maksady bolsa medal gazanmakdyr.
Maýagözel Ekäýewa 2010-njy we 2014-nji ýyllarda geçirilen Aziýanyň Paralimpiýa oýunlarynda bürünç medal gazanypdy. Geçen ýyl Dubaýda geçirilen dünýä çempionatyny bolsa bäşinji orunda tamamlap, Pariž ― 2024-e gatnaşmak hukugyny gazandy.
