Mary welaýatynda täze okuw ýyly bilen baglanyşykly işleriň çäginde çagalar baglaryna gatnamadyk çagalary mekdebe taýýarlamak maksady bilen, ýörite düzülen rejeler esasynda, 2 hepdelik okuwlar ýola goýuldy. Bu barada «Türkmenistan» gazetinde habar berildi.
Habarda bellenilişi ýaly, 2023-2024-nji okuw ýylynda welaýatyň çäginde hereket edýän çagalar baglarynyň 196-synda 37 müň 805 çaga terbiýelendi. Bilim edaralarynda terbiýeçileriň 3 müň 385-si zähmet çekdi.
Welaýat Baş bilim müdirliginiň ýanyndaky mugallymlaryň we terbiýeçileriň hünär derejesini ýokarlandyryş merkezinde, Türkmen döwlet bedenterbiýe we sport institutynda, Döwletmämmet Azady adyndaky Türkmen milli dünýä dilleri institutynda, Türkmenistanyň Milli bilim institutynda, Seýitnazar Seýdi adyndaky Türkmen döwlet mugallymçylyk institutynda guralan okuwlara dürli hünärli mugallymlardyr terbiýeçileriň jemi 2 müňe golaýy gatnaşyp, hünärlerini kämilleşdirdiler diýlip, habarda bellenilýär.
