Kazanda saparda bolýan Türkmenistanyň Halk Maslahatynyň Başlygy Gurbanguly Berdimuhamedow şu gün Tatarystan Respublikasynyň ilkinji Prezidenti, Döwlet geňeşçisi Mintimer Şaýimiýew bilen duşuşdy.
«Tatar-informuň» habar bermegine görä, duşuşyk «Russiýa — Yslam dünýäsi: KazanForum – 2024» XV halkara ykdysady forumynyň çäginde geçirildi.
Söhbetdeşler «Russiýa — Yslam dünýäsi» strategik garaýyş toparynyň işi barada pikir alyşdylar. Bellenilişi ýaly, Yslam döwletleri bilen Russiýanyň arasyndaky hyzmatdaşlygy has-da pugtalandyrmakda häzirki döwürde amala aşyrylýan işler, şeýle hem Türkmenistan bilen Tatarystanyň käbir bilelikdäki taslamalarynyň durmuşa geçirilişini ara alyp maslahatlaşdylar.
