15 — 20-nji aprelde Aşgabat ýene biri iri sport baýramçylygyny kabul eder. Türkmen paýtagtynda hokkeý boýunça halkara ýaryş geçiriler. Ýaryşyň dartgynly duşuşyklary paýtagtymyzyň gözel künjeginde ýerleşýän Gyşky oýunlar sport toplumynyň uly we kiçi arenalarynda geçiriler.
Halkara ýaryşyň duşuşyklarynyň petekleri eýýäm satuwa çykaryldy. Hokkeý muşdaklary duşuşyklaryň peteklerini Gyşky oýunlar sport toplumynyň, «Aşgabat» hem-de «Berkarar» söwda we dynç alyş merkezleriniň kassalaryndan tapyp bilerler. Petekleriň bahasy — 25 manat.
15-nji aprelde 13:00-da halkara ýaryşyň açylyş dabarasy geçiriler.
Iki tapgyrda geçjek ýaryşyň deslapky böleginde hokkeý klublary iki toparça bölünip, aýlawlaýyn görnüşde bäsleşerler. «А» we «В» toparçalaryň ýeňijileri finalda çykyş etmäge hukuk gazanarlar. Öz toparçalarynda ikinji orny eýelän klublar halkara ýaryşyň bürünç medalyny eýelemek ugrunda geçiriljek duşuşykda çykyş etmäge hukuk gazanarlar.
