Türkmenistanyň Gazagystandaky Adatdan daşary we Doly ygtyýarly ilçisi Batyr Rejepow Gazagystanyň Medeniýet we maglumat ministriniň orunbasary Erbol Alikulow bilen duşuşdy. Bu barada Türkmenistanyň Gazagystandaky ilçihanasy habar berýär.
Bellenilişi ýaly, taraplar iýun aýynda Gazagystanda Türkmenistanyň Medeniýet günlerini we şu ýylyň oktýabr aýynda Türkmenistanda Gazagystanyň Medeniýet günlerini geçirmek boýunça meýilleşdirilýän işleriniň gidişini ara alyp maslahatlaşdylar. Şeýle-de Aşgabatda sungat sergisi, Gazagystanyň kino günleri, sungat ussatlarynyň we döredijilik toparlarynyň gatnaşmagynda konsertleri guramak meýilleşdirilýär.
