«Tagamly Kazan» gastrofestiwalynyň çäginde milli türkmen nahary palaw bişirmek boýunça ussatlyk sapagy geçirildi. Festiwal Kazan şäheriniň Syýahatçylyk komiteti we Türkmenistanyň Baş konsullygy tarapyndan guraldy.
Habarda bellenilişi ýaly, aşpezler türkmen palawyny, türkmen aşhanasynyň ähli kada-kanunlaryna laýyklykda taýýarladylar. Bu barada «Turkmenportal» Türkmenistan Baş konsullygynyň metbugat gullugyna salgylanyp, habar berýär.
Nahar bişirilenden soň, festiwala gatnaşyjylar we myhmanlary taýýarlanynan tagama baha berdiler. Festiwala gelen myhmanlar türkmen milli palawynyň tagamyny dadyp görmek islediler, şol sebäpli-de aşpezleriň öňünde uzyn nobat emele geldi.
Bu çäre Kazan şäheriniň ýaşaýjylaryny we myhmanlaryny Türkmenistanyň adaty tagamlary bilen tanyşdyrmaga, ýurtlaryň arasyndaky medeni gatnaşyklaryň pugtalandyrylmagyna goşant goşdy.
Bu ýylky «Tagamly Kazan» festiwalyna 55 müňe golaý adam gatnaşdy
