Döwletmämmet Azady adyndaky Türkmen milli dünýä dilleri institutynyň ýaş alymlar merkezi «Magtymguly's World» atly mobil goşundysyny döretdi. Bu barada «Neýtralnyý Turkmenistan» gazetinde habar berildi.
Programmanyň maksady türkmen halkynyň beýik akyldary, şahyr Magtymguly Pyragynyň eseri bilen ýakyndan tanyşdyrmak bolup durýar.
Bellenilmegine görä, programma häzirki zaman ulanyjynyň zerurlyklary göz öňünde tutulyp taýýarlanyldy. Onda ähli maglumatlar okyjy üçin amatly görnüşde berilýär, beýik şahyryň giňişleýin maglumatlary hem-de ölmez-ýitmez eserleri bu taryhy şahsyýet hakda giňişleýin maglumat almaga mümkinçilik berýär.
Maglumatlary has çalt gözlemek üçin programmada maglumatlar «Goşgular», «Magtymguluşynas alymlar», «Muzeýler we ýadygärlikler», «Halk rowaýatlary», «Ýygyndylar» we «Terjimehal» ýaly atly alty tematiki kategoriýa bölünýär, olaryň hersinde zerur bolan maglumatlaryň ählisi ýerleşdirilen.
Mysal üçin, ekranyň ýokarsyndaky «Goşgular» bölüminde açar söz gözleg meýdançasy bar, edebi eserleriň ähli faýllary Türkmenistanyň Döwlet çeperçilik akademiýasynyň talyplary tarapyndan ýörite döredilen goşgy setirleri we tematiki suratlar bilen göze gelüwli edilip bezelipdir.
Ulanyjynyň türkmen dutarynyň ýakymly owazynyň astynda sesli okalan goşguly faýly ýükläp almak mümkinçiligi hem bar. Programma üç dilde —türkmen, iňlis we rus dillerinde taýýarlanyldy.
