Bütindünýä Saglygy Goraýyş Guramasy (BSGG) Ýewropada çybynlaryň täze görnüşiniň peýda bolandygyny habar berdi, olar howply ýokançlary ýaýradýarlar diýip, BSGG-iň saýtyna salgylanýan «Tengrinews.kz» ýazýar.
Guramanyň maglumatlaryna laýyklykda, denge gyzzyrmasy, Zikiň gyzzyrmasy we çikungunýa ýaly ýokanç keselleri ýaýradyjy Aedes diýlen çybynlaryň görnüşi günorta Ýewropada has köp duşup başlady.
Ýewropa ýurtlarynda ýaz-tomus aýlary howanyň gyzmagy netijesinde bu howply çybynlaryň sany artýar.
BSSG aýratyn hem Ispaniýanyň, Fransiýanyň, Italiýanyň, Gresiýanyň ýa-da Horwatiýanyň ilatynyň howp astyndadygyny duýdurýar. Hünärmenler gije işjeňleşýän gyzzyrma çybynlaryndan tapawutlylykda, Aedes çybynlarynyň gündizlerine hem adamlara hüjüm edýändigini belleýärler.
