Türkmenabat şäherinde «C» kategoriýany almak ugrunda tälimçilik kursy geçirilýär. Bu barada Türkmenistanyň Futbol federasiýasynyň resmi saýty habar berdi.
Lebap welaýatynyň Türkmenabat şäherinde ýerleşýän sport toplumynda geçirilýän tälimçilik kursunyň gözükdirijisi hökmünde Türkmenistanyň at gazanan tälimçisi Röwşen Muhadow çykyş edýär.
Nazaryýetdir tejribeçilik sapaklaryny öz içine alýan okuw-ýygnanyşygy 17 ― 28-nji fewral aralygynda dowam eder.
Tälimçilik okuw-ýygnanyşygyna ýurdumyzyň dürli künjegine wekilçilik edýän futbol hünärmenleriň 24-siniň gatnaşýandygyny bellemek gerek.
Okuw-ýygnanyşygynyň soňunda geçiriljek synaglary üstünlikli geçenlere «C» kategoriýaly sertifikatlar gowşurylar.
Bu okuw maslahatyny Aziýanyň Futbol Konfederasiýasy bilen Türkmenistanyň Futbol federasiýasynyň bilelikde guraýandyklaryny ýatladýarys.
