29-njy noýabrda Saud Arabystanynda Professional Fighters League (PFL) MMA turniri geçirildi. Baş söweşde ýarym agyr derejede 35 ýaşly Türkmenistanly Döwletjan Ýagşymuradow (24-1-7) we 30 ýaşly amerikaly Impa Kasanganaý (14-4) duşuşdylar. Söweşiň baýragy hökümünde bir million dollar we çempionlyk guşagy goýlandy. Emma Kasanganaýa fiziki artykmaçlyk, soňky ýyllardaky tejribe ýa-da öz promouşeniniň goldawy kömek etmedi – ol bir minutdan hem az wagtyň içinde nokaut edildi. Impa birinji hüjüm etdi, ýöne Döwletjan takyk garşylykly urup, söweşi 58 sekuntda tamamlamady. Döwletjan üçin bu ýeňiş yzygider ýedinji ýeňişi boldy, olaryň üçüsi Bellator promouşeninde gazanyldy.
PFL Grand Prix finalyna ýetmezden ozal Ýagşymyradow Ýakow Nedony nokaut edip, Simýon Biýong we Rob Wilkinsony ýeňdi. Soňky tutluşygyndan soň, türkmen çempiony öz duýgulary bilen paýlaşdy. Ol tomaşaçylary garşylap, goldaýanlara minnetdarlyk bildirdi we özüni goldawly duýýandygyny nygtady. Ahyrynda sportçy indiki hepde çykmaly bolsada ýene-de ringe çykmaga taýyndygyny aýtdy. Döwletjan Ýagşymuradow MMM-de professional karýerasyna 2012-nji ýylda Oplot Challenge promouşeninde başlady. Bu guramada ol 14 söweşden 11-ni ýeňip geçdi. Soňra ACB ligasyna geçip, 7 söweşiň hemmesinde ýeňiş gazanyp, iki gezek çempionlyk titulyny goramagy başardy.
Soňra Ýagşymuradow amerikan Bellator promouşenine geçdi. Başlangyç döwründe ol kynçylyklara sezewar boldy – ol Kori Andersondan we şwed söweşijisi Karl Albrektsondan ýeňildi. Ýöne üçünji söweşinde brazilýaly Rafael Karwalýony ýeňdi. Ondan soň ol Ýulius Englikasy we Matseý Rozanskiden üstün çykdy.
PFL-daky ýeňiş Ýagşymuradow üçin diňe şahsy ýeňiş däl, eýsem Türkmen sporty üçin taryhy üstünlikdir – ol şeýle naýbaşy halkara MMA ligasynda Türkmenistandan ilkinji çempion boldy.
