Sudanda sil joşmalarynda pida bolanlaryň sany 136 adama ýetdi. Tebigy heläkçilige çabga ýagyşlary sebäp boldy. Bu barada «Belta.by» belarus saýty ýazýar.
Şeýle hem, 120 adamyň dereksiz ýitendigi habar berilýär. 4 müňden gowrak ýaşaýyş jaýlaryna zeper ýetdi ýa-da doly ýumruldy.
Ýurtda maý aýyndan bäri yzyny üzmän çabga ýagynlary ýagýar. Bu bolsa giden şäherleriň gark bolmagyna getirdi, adamlar öýlerini terk etmäge mejbur boldular. Tebigy heläkçilik, esasan, Sudanyň Nagr en-Nil, Demirgazyk Kordofan, El-Gezira, Günorta Darfur we Günorta Kordofan ştatlaryna, şeýle-de Ak Nil etrabyna zyýan ýetirdi.
Geçen ýyl Sudanda sil joşmalaryndan 80 adam gurban boldy.
