Öňümizdäki tomusda türkmen telewideniýesi Ýaponiýanyň iň meşhur köp bölümli filmleriniň biri bolan «Goçiso-sany» («Bejergi üçin sag boluň!») türkmen dilinde tomaşaçylaryna ýetirer.
Filmiň wideomaglumatlaryny gowşurmak dabarasy we ýaýlym bilen şertnama baglaşmak çäresi 5-nji maýda Türkmenistanyň telewideniýe, radiogepleşikler we kinematografiýa baradaky döwlet komitetinde geçirildi.
Köp bölümli film türkmen-ýapon hyzmatdaşlygynyň 30 ýyllygy mynasybetli tomaşaçylara hödürleniler.
«Goçiso-san» 2013-nji we 2014-nji ýyllarda tutuş Ýaponiýada gowy baha berlen meşhur filmdir. Ondaky wakalar meiji döwründen başlap, uruşdan soňky döwrüň başlaryna çenli Tokioda we Osakoda bolup geçýär.
