«Turkmenportal» web saýtymyzda habar berşimiz ýaly, Türkmenistanyň Prezidenti Gurbanguly Berdimuhamedow Halkara Bitaraplyk gününiň, şeýle-de Türkmenistanyň hemişelik Bitaraplygynyň 26 ýyllyk baýramynyň bellenýän günleri özüniň täze döreden goşgusyny teleýaýlym arkaly halk köpçüligine okap berdi. «Ýaşasyn parahat durmuş!» atly goşgy şu gün — 14-nji dekabrda milli metbugatda çap edildi.
Ýaşasyn parahat durmuş!
Meniň sözüm — könäň sözi,
Meniň sözüm — täzelik däl:
Ýaraglaň sesi, sem boluň!
Mukaddes zatlaň hakyna,
Bütin dünýäniň hakyna,
Saklanalyň, adamlar!
Millionlarça ykbala
Gyýa garamak bolmaýar,
Ýowuz daramak bolmaýar!
Soňsuz asmanyň hakyna,
Beýik Zeminiň hakyna,
Saklanalyň, adamlar!
Dert-belalar ýol salmasyn,
Öz döredýän kynçylygmyz,
Goý, hiç haçan ýol almasyn!
Tutuş barlygyň hakyna,
Janly-jandaryň hakyna,
Saklanalyň, adamlar!
Tämiz tutup göwünleri,
Biz hemişe arzuw edýäs
Abadan, rahat günleri.
Arşda Taňrynyň hakyna,
Külli ynsanyň hakyna,
Saklanalyň, adamlar!
Ýalňyşlary düzedeliň,
Sylalyň birek-biregi!
Ýamanlykdan ýüz öwreliň,
Ynamdyr dünýäň diregi!
Halklar — bir jebis maşgala.
Ýaşasyn parahat durmuş!
