Soňky habarlar

Arhiw

Russiýa Federasiýasynyň Ilçihanasy Türkmenistanyň hökümetine Döwlet Duma saýlawlarynda ses berişligi guramakda kömek berenligi üçin minnetdarlyk bildirdi

19:2720.09.2021
0
5986

2021-nji ýylyň 19-njy sentýabrynda Russiýa Federasiýasynyň Federal mejlisiniň Döwlet Dumasynyň VIII çagyrylyşynyň deputat saýlawlary Aşgabatdaky (№8287), Marydaky (№8035), Türkmenbaşydaky (№8288), Daşoguzdaky (№8288) we Türkmenabatdaky (№8290) saýlaw uçastoklarynda geçirildi.

Russiýa Federasiýasynyň Türkmenistandaky ilçihanasynyň resmi web sahypasyndaky habara görä, biziň ýurdumyzda saýlawlara 763 rus raýaty gatnaşdy.

Habarda: «Ilçihana ses berişligi guramakda kömek berenligi üçin Türkmenistanyň ýolbaşçylaryna sag bolsun aýdýar.» - diýlip beýan edilýär.

Russiýa Federasiýasynyň raýatlary şu ýylyň 17-nji sentýabryndan 19-njy sentýabry aralygynda ýurduň Döwlet Dumasyna geçirilen saýlawlara gatnaşyp, ses berdiler.

Russiýa Federasiýasynyň parlamentiniň agzalary garyşyk saýlaw ulgamyna laýyklykda bäş ýyllyk möhlete saýlanýar: 225 deputat partiýa sanawlaryndan, ýene 225 adam – bir mandatly saýlaw okruglaryndan bir tapgyrda geçýär.

Teswirler
Teswir ýazmak üçin içeri giriň ýa-da registrasiýa boluň