“MB shoes”, “Suvari” markasy üçin erkek aýakgaplaryny öndürer. Içerki aýakgap önümçiliginiň öňdebaryjy wekili “MB shoes” türk erkek egin-eşik markasy bolan “Suvari”-niň Aşgabatdaky şahamçasynyň wekilleri bilen geçirilen gepleşikde ylalaşyk gazanyldy. Döwrebap aýakgaplar “MB shoes” bilen üpjün edilen katalogdan saýlanar.
“Suvari” türk erkek egin-eşik markasy Türkmenistanda, Russiýada, Germaniýada giňden tanalýar. “Suvari” markasy penjekden başlap, iş eşiklerine, köýneklere we boýunbaglara, guşaklara, gapjyklara çenli ähli egin-eşikleri we esbaplary öndürýär.
“MB shoes”, Türkmenistanda hakyky ýerli deriden erkekler, zenanlar we çagalar üçin sport aýakgaplaryny hem öndürýär.
