Halkara futbol federasiýalarynyň assosiasiýasy (FIFA) Aşgabatda geçiriljek Futzal boýunça Aziýa çempionatynyň täze senelerini kesgitledi. FIFA Aziýanyň Futbol konfederasiýasy bilen hem maslahatlaşyp, bu çempionaty şu ýylyň 5 ― 16-njy awgusty aralygynda geçirmek kararyna geldi.
Ozal 26-njy fewral ― 8-nji mart aralygynda geçirilmegi meýilleşdirilen yklym çempionaty AFK tarapyndan başga bir senä geçirilipdi. Mälim bolşy ýaly, Aziýa çempionaty yklymyň milli ýygyndylarynyň 16-synyň arasynda geçiriler.
Çempionatyň duşuşyklary Aşgabatdaky Olimpiýa şäherçesiniň sport toplumlarynda bolar. Yklym ýaryşynda iň gowy netijeleri görkezen bäş ýygyndy 12-nji sentýabr ― 4-nji oktýabr aralygynda Litwada geçiriljek dünýä çempionatyna gatnaşar.
