Kanadanyň Premýer-ministri Mark Karni Parlamentiň dagadylýandygyny we 28-njy aprelde möhletinden öňki saýlawlaryň geçiriljekdigini yglan etdi. Ol bu barada ýurduň general-gubernatory Meri Saýmona ýüzlendi. Ilkibaşda saýlawlar 20-nji oktýabra bellenipdi.
«Men general-gubernatora parlamenti dagatmak we federal saýlawlary 28-nji aprele bellemek barada haýyş bilen ýüzlendim. Bize «G7»-de iň güýçli ykdysadyýeti döretmek hem-de ABŞ-nyň Prezidenti Donald Tramp tarapyndan girizilen gümrük nyrhlary bilen bagly meseleleri çözmek gerek» diýip, Karni sosial ulgamda ýazdy.
Britan Patyşasy Karl III-niň adyndan çykyş edýän döwlet Baştutany hökmünde Kanadanyň general-gubernatory Meri Saýmon Premýer-ministriň haýyşyny kanagatlandyrdy diýlip, habarda bellenýär.
Kanadanyň Merkezi bankynyň öňki başlygy Karni Jastin Trýudo wezipesinden gidenden soňra ýurduň dolandyryjy Liberal partiýasyna ýolbaşçy boldy.
Bu barada «MIR 24» habar berdi.
