Top.Mail.Ru

Soňky habarlar

Arhiw

Türkmenistanyň Prezidenti Pakistanyň güni mynasybetli gutlag iberdi

23:1523.03.2025
0
10339
Türkmenistanyň Prezidenti Pakistanyň güni mynasybetli gutlag iberdi
Surat: Anadolu

Türkmenistanyň Prezidenti Serdar Berdimuhamedow Pakistan Yslam Respublikasynyň Prezidenti Asif Ali Zardarä, Pakistan Yslam Respublikasynyň Premýer-ministri Mian Muhammad Şahbaz Şarife we ýurduň ähli halkyna milli baýram — Pakistanyň güni mynasybetli mähirli gutlaglaryny hem-de iň gowy arzuwlaryny iberdi. Bu barada «Watan» habarlar gepleşiginde habar berildi.

Bellenilişi ýaly, türkmen döwletiniň Baştutany Türkmenistan bilen Pakistan Yslam Respublikasynyň arasynda ýyllaryň dowamynda emele gelen gatnaşyklara ýokary baha berip, dost-doganlyga we özara hormat goýmagyň baý tejribesine esaslanýan bu gatnaşyklaryň iki halkyň bähbidine mundan beýläk-de ösdüriljekdigine berk ynam bildirdi.

Prezident Serdar Berdimuhamedow mümkinçilikden peýdalanyp, Prezident Asif Ali Zardarä hem-de Premýer-ministr Mian Muhammad Şahbaz Şarife tüýs ýürekden berk jan saglyk, bagtyýarlyk, abadançylyk, Pakistanyň doganlyk halkyna bolsa parahatçylyk, mundan beýläk-de ösüş we rowaçlyk arzuw etdi.

Teswirler
Teswir ýazmak üçin içeri giriň ýa-da registrasiýa boluň