2024-nji ýylyň geçen ýedi aýynda Türkmenabadyň galla önümleri kärhanasy boýunça unuň 27 müň 354 tonnasy öndürilip, meýilnama artygy bilen berjaý edildi. Şeýle-de bu döwürde kepegiň 8 müň 306 tonnasy, bugdaý ýarmasynyň hem 80 tonnasy öndürildi. Bu bolsa geçen ýylyň degişli döwründäki görkezijiden ep-esli köpdür.
Halkyň çörek we çörek önümlerine bolan islegini kanagatlandyrmakda «Lebapgallaönümleri» önümçilik birleşiginiň Türkmenabat şäherindäki 2-nji çörek kärhanasynda netijeli işler alnyp barylýar.
Kärhanada şu ýylyň geçen ýedi aýynda çörek we çörek önümleriniň 9 müň 860 tonnasy, unaş önümleriniň hem 292 tonnasy öndürilip, ilata hödürlenildi. Degişli döwürde edilen işleriň pul hasabyndaky möçberi bolsa 27 million 820 müň 525 manatlyga deň boldy. Ýedi aýlyk iş meýilnamasy üstünlikli berjaý edildi.
